Platine De ho[n]neste volupte : sensuyt le liure de Platine tres-utile [et] necessaire a toutes gens, lequel nous mo[n]stre [et] enseigne co[m]ment son doit regir [et] gouuerner le corps humain pour viure longuement en bonne sante, et est diuise en dix parties : la premiere nous demonstre en quel lieu l'homme doibt faire son habitation, l'heure de prendre le repas, le xercitation du corps, [et] eu dormir, le seconde partie nous do[n]ne congnoissance de tous fruictz tant bons que mauuais, [et] comme on les doit prendre deua[n]t ou apres se repas, la tierce traicte de toutes especes de espices, herbes de bonnes [et] fortes odeurs, des amandres, chastaignes, noix [et] leurs semblables, [et] en quel temps on en doit vser pour la sante du corps humain, la quatre de toutes bestes bonnes a menger, et de lapareil ditelles, et du temps auquel elles sont plus saines et de melleure digestion, la cinquiesme des oyseaulx et et lesquelz sont plus profitables et en quel temps ilz sont en saison de menger, la vi. co[m]me lon doit aprester lesdictz oyseaulx ta[n]t priuez q[ue] sauuaiges [et] lesq[ue]lz sont bons ou co[n]traires a la sante de l'ho[m]me, la septiesme parle d'aulcunes espces de blez leguns [et] herbes pour faire potaiges, la viii des tartres, popelins, et toutes sortes de viandes en paste, et la maniere de faire a chascune via[n]de sa propre saulce soit chair ou poysson, la ix d'aprester les oeufz en toutes sortes, [et] en quelle faco[n] sont meilleurs [et] plus sains, la dixiesme et derniere nous enseigne a apprester to[us] poyssons [et] co[m]me[n]t ilz sero[n]t profitables, auec plusieurs aultres bons regimes [et] enseignemens pour la sante et conualescence des humains.